سوال

اگر قرآن اٹھا کر اللہ کو حاضر وناظر جان کر  لڑکا اور لڑکی یہ بول دے کہ ہم اپنے نکاح میں ایک دوسرے کو قبول کرتے ہیں تو نکاح ہوجائے گا ؟ اس طرح اگر قرآن اٹھا کر یہ بات بول دی ہو تو پھر بات کرنا حلال ہوجائے گا؟

جواب

 شرعاً نکاح صحیح ہونے کے لیے ایجاب و قبول کی مجلس ایک ہونا  اور اس میں جانبین میں سے دونوں کا  خود موجود ہونا  یا ان کے وکیل کا موجود ہونا ضروری ہے،  نیز مجلسِ نکاح میں دو گواہوں کا ایک ساتھ موجود ہونا اور دونوں گواہوں کا اسی مجلس میں نکاح کے ایجاب و قبول کے الفاظ کا سننا بھی شرط ہے، لہذا اگر لڑکا اور لڑکی صرف قرآن اٹھا کر یہ بول دیتے ہیں کہ  ہم اپنے نکاح میں ایک دوسرے کو قبول کرتے ہیں ، جب کہ مجلس میں کوئی گواہ موجود نہ ہوتو یہ نکاح منعقد نہیں ہوگا، اور نہ ہی  لڑکا اور لڑکی کا آپس میں ملنا اور بات چیت کرنا جائز ہوگا۔ فقط واللہ اعلم