سوال

 کیا آمدنی قلیل ہونے کی وجہ سے عام سرکاری بنک سے علاج یا مکان بنانے کے لیے قرضہ Loan لینا جائزہے؟

جواب

بینک سے قرض لے کر اضافہ کے ساتھ واپس کرنا ہوتا ہے جو "سود" ہے، اور  سود کی لین دین کسی صورت میں  جائز نہیں ہے، خواہ آمدن قلیل ہی کیوں نہ ہو۔ قلیل حلال مال بہت سے حرام مال سے بدرجہا بہترہے، حلال پر صبر اور رب کی نعمتوں پر شکر ادا کرتے رہیں ان شاء اللہ خالق ورازقِ کائنات ضرور آپ کے لیے در کھول دیں گے۔ استغفار کی کثرت اور جتنی گنجائش ہو (خواہ مہینے میں دس روپے) اللہ تعالیٰ کی راہ میں صدقے کا اہتمام کریں، ان شاء اللہ حالات بہت جلد بہترہوجائیں گے۔   فقط واللہ اعلم