سوال

قضا روزے سحری کیے بغیر رکھ سکتے ہیں؟

جواب

واضح رہے کہ کسی بھی روزے کے لیے سحری میں کچھ کھانا پینا مستحب ہے، ضروری نہیں ہے، البتہ قضا  روزے کے لیے ضروری ہے کہ جس دن قضا روزہ رکھنا چاہتا ہے اس  دن  کی صبحِ صادق کے طلوع سے پہلے (یعنی فجر کا وقت داخل ہونے سے پہلے)  روزے کی نیت کر لے، رات سے بھی روزے کی نیت کر سکتا ہے، اگر طلوعِ صبحِ صادق سے پہلے پہلے روزے کی نیت نہیں کی تو اس دن قضا روزہ رکھنا درست نہ ہو گا۔

الدر المختار وحاشية ابن عابدين (رد المحتار) (2/ 380):
"(والشرط للباقي) من الصيام قران النية للفجر". فقط واللہ اعلم