زید کے پاس سونا اور چاندی نہیں، صرف نقدی ہے 40 ہزار تک ہے،زید شادی شدہ ہے،کمپنی میں ملازم ہے،دو بچے ہیں،13 بہن بھائی ہیں،اپنے والد صاحب کے ساتھ ہی رہتا ہے،زید اپنی آمدن والد صاحب کو ہی دیتا ہے،زید کے والد صاحب بھی قربانی کرتے ہیں،ایسی صورت میں زید پر بھی قربانی لازم ہے یا نہیں؟ راہ نمائی فرمائیں۔
زید کی ملکیت میں مبلغ چالیس ہزارروپے موجود ہیں تو اس پر قربانی کرناواجب ہے، والد صاحب کی اپنی قربانی زید کی طرف سے کافی نہیں ہوگی، البتہ اگرزید کے والد زید (کے علم میں لاکر یا اس کی اجازت سے اس) کی طرف سے بھی قربانی کردیں توزید کی جانب سے قربانی ہوجائے گی۔فقط واللہ اعلم
فتوی نمبر : 143812200008
دارالافتاء : جامعہ علوم اسلامیہ علامہ محمد یوسف بنوری ٹاؤن