سوال

قرآن شریف کی بے حرمتی کرنا گناہ ہے پس اگر کوئی شخص قرآن کو اٹھا کر زمین پر پھینکے یا زمین پر مارے  یا شہید کرے یا جلادے پھر اس کے بعد کلمہ بھی پڑھے اور توبہ کرے تو ایسے شخص کے لیے کیا حکم ہے؟

جواب

قرآنِ مجید کی بے حرمتی کرنے سے انسان دائرہ اسلام سے خارج ہوجاتا ہے،  صورت مسئولہ میں قرآن کریم کی بے حرمتی کرنے کی وجہ سے مذکورہ شخص دائرہ اسلام سے خارج ہو گیا تھا، البتہ جب اس نے کلمہ پڑھ لیا اور سچے دل سے اپنے کیے  پر توبہ کرلی تو اس کو مسلمان ہی قرار دیا جائے گا، البتہ اگر وہ شادی شدہ تھا تو تجدیدِ نکاح کرنا بھی ضروری ہوگا۔ فقط و اللہ اعلم