سوال

اگر میں کسی بندہ سے کچھ پیسے بزنس کے لیے لے لوں اور ہر ماہ اس کو فکس منافع دوں  تو کیا فکس منافع دینا صحیح ہے؟  یا میں اس کے ساتھ کس طرح شرط لگاؤں؟  جب کہ میری اس ڈیل  میں اس کا اصل سرمایہ محفوظ رہتا ہے.

جواب

صورتِ مسئولہ میں فکس منافع دینے کی شرط پر انوسٹمنٹ کرانا شرعاً جائز نہیں، تاہم فی صدی بنیادوں پر  (مثلاً ہر ماہ ہونے والے منافع کا تیس فی صد منافع دینے کی شرط پر) سرمایہ کاری کرانے کی اجازت ہوگی۔  نیز شرکت / مضاربت میں نفع و نقصان دونوں میں شراکت ہوتی ہے، اگر کسی کے سرمایہ کے بہرصورت محفوظ رہنے کی شرط لگائی جائے تو یہ عقد بھی درست نہیں ہوگا۔فقط واللہ اعلم