کیا تین اور چار رکعات والی فرض نماز میں قراء ت کرنا (سورت پڑھنا)واجب ہے؟
امام اور منفرد کے لیے فرض نمازوں کی پہلی دو رکعات میں سورہ فاتحہ کے بعد سورت، یا ایک بڑی آیت یا تین چھوٹی آیات پڑھنا واجب ہے، البتہ مقتدی کے لیے امام کی قراء ت کافی ہے، اس پر نہ سورہ فاتحہ پڑھنا واجب ہے اور نہ ہی سورت پڑھنا واجب ہے۔
مغرب کی تیسری رکعت اور ظہر ، عصر اورعشاء کی آخری دو رکعات میں قراء ت واجب نہیں، البتہ ان رکعات میں سورہ فاتحہ پڑھنا سنت ہے۔ اور اس حکم میں امام، مقتدی، اور منفرد سب برابر ہیں۔ فقط واللہ اعلم
فتوی نمبر : 144008200587
دارالافتاء : جامعہ علوم اسلامیہ علامہ محمد یوسف بنوری ٹاؤن