سوال

غیر مسلم عورت کو دیکھنا کیسا ہے?

جواب

جان بوجھ کر غیر محرم عورتوں کو دیکھنا گناہ کبیرہ ہے، خواہ مسلمان ہو یا غیر مسلم، احادیثِ مبارکہ میں ایسے شخص پرلعنت آئی ہے،یعنی رحمتِ خداوندی سے محرومی کا فیصلہ وارد ہواہے۔اگر اچانک کسی غیر محرم پرنظر پڑجائے تو فوراً اپنی نگاہ پھیر دینی چاہیے،مسلم شریف کی روایت میں ہے:’’حضرت جریر بن عبداللہ رضی اللہ عنہ سے روایت ہے کہ میں نے رسول اللہ صلی اللہ علیہ وسلم سے اچانک نظر پڑجانے کے بارے میں دریافت کیا،)یعنی اچانک کسی نامحرم عورت پر نظر پڑجائے تومجھے کیاکرناچاہیے؟تو آپ علیہ الصلاۃ والسلام نے مجھے حکم دیاکہ میں اُدھرسے نگاہ پھیرلوں‘‘. فقط واللہ اعلم