شوہر نے بیوی کو طلاق کا اختیار دیا کہ میں تمہیں طلاق کا اختیار دیتا ہوں، جب دل چاہے مجھ سے الگ ہو جانا۔ کچھ وقت بعد عورت یہ کہہ کر اختیار قبول کر لیتی ہے کہ وہ دیا گیا اختیار میں قبول کرتی ہوں، اور بعد میں یہ الفاظ بھی ادا کرتی ہے کہ'' میں خود کو طلاق دیتی ہوں ۔ کیا طلاق واقع ہو گئی اس طرح ؟
نکاح کے بعد اگر شوہر نے بیوی کو طلاق کا حق سپرد کیااور کسی وقت یا شرط کی تحدید نہیں کی ہے تو عورت جب بھی اپنے اوپر طلاق واقع کرے گی، طلاق واقع ہوجائے گی۔البتہ عدت کے اندر اندر شوہر کو رجوع کا حق حاصل ہوگا۔فقط واللہ اعلم
فتوی نمبر : 143908200702
دارالافتاء : جامعہ علوم اسلامیہ علامہ محمد یوسف بنوری ٹاؤن