کیا عمرے کے دنوں میں حرم کی حدود یا مسجدِ نبوی کی حدود میں اپنی بیوی سے ہم بستری کرنا جائز ہے یا ناجائز ؟
احرام کی حالت میں کسی بھی جگہ بیوی سے ہم بستری کرنا جائز نہیں ہے، البتہ عمرہ کے سفر میں جس وقت احرام کی حالت نہ ہو اس وقت بیوی سے ہم بستری کرنا جائز ہے، لیکن مسجدِ حرام اور مسجدِ نبوی سمیت کسی بھی مسجد کی حدود میں کسی بھی حالت میں ہم بستری کرنا جائز نہیں ہے۔ اِحرام کی حالت نہ ہو تو مسجدِ حرام کی حدود سے باہر حرم کی حدود میں، اسی طرح مسجدِ نبوی کی حدود سے باہر مدینہ منورہ کی حدود کے اندر اپنی بیوی سے ہم بستری کرنا جائز ہے۔ فقط واللہ اعلم
فتوی نمبر : 144105200432
دارالافتاء : جامعہ علوم اسلامیہ علامہ محمد یوسف بنوری ٹاؤن