سوال

’’عروشہ‘‘  نام کا کیا مطلب ہے اور اس کی تفصیل؟

جواب

’’ع، ر، ش‘‘  کا مادہ عربی زبان میں سایہ / چھت بنانے، حیران ہونے وغیرہ کے معنی میں آتا ہے۔  اس لحاظ سے ’’عروشہ‘‘ کے معنی: ہر سایہ دار چیز، جیسے: شامیانہ ، چھپر ، شیڈ ، انگوروں  کی بیل  چڑھانے کے لیے ٹٹی  ، چھت وغیرہ کے ہوں گے ۔(المنجد : 642)(القاموس الوحید : 1065)

بچی کے لیے یہ نام رکھنا جائز ہے، تاہم اس کے بعض  معنی عورت کے لیے بہت اچھے نہیں؛ اس لیے بہتر  یہ ہے کہ ازواجِ مطہرات یا دیگر صحابیات مکرمات رضی اللہ عنہن کے ناموں میں سے کسی کے نام پر یا ایسے معنیٰ والا نام رکھا جائے جس میں کوئی پہلو نامناسب نہ ہو۔ فقط واللہ اعلم