عمرہ کے طواف کے دو نفل حطیم میں پڑھنے کا کیا حکم ہے؟ کیا طواف کا بھی اعادہ ہوگا؟
واضح رہے کہ حطیم کا اندرونی کچھ حصہ (بیت اللہ کی دیوار سے متصل تقریباً دس فٹ) چوں کہ بیت اللہ کا جزو ہے؛ اس لیےطواف حطیم کے باہر سے کرنا ضروری ہے ،البتہ طواف کے دو نفل کی ادائیگی کسی زمانے اور مکان کے ساتھ مخصوص نہیں ہے۔ (عمدۃ الفقہ)
بہتر ہے کہ مقامِ ابراہیم کے پیچھے اداکیے جائیں،لہذا اگر کسی نے طواف کے دو نفل حطیم میں پڑھ لیے تو ادا ہوجائیں گے ،نہ نوافل کے اعادے کی ضرورت ہے اور نہ طواف کےاعادے کی ۔فقط واللہ اعلم
فتوی نمبر : 144008200554
دارالافتاء : جامعہ علوم اسلامیہ علامہ محمد یوسف بنوری ٹاؤن