سوال

میری چھوٹی بہن جس کی عمر سولہ سال ہے کا نکاح چھوٹے ماموں کے بیٹے کے ساتھ کردیا گیا ہے، بہن نے بڑے ماموں کو ولی مقرر کر دیا تھا، میں نے کہا تھا کہ میں وہاں رشتہ نہیں دوں گا اگر دیا تو مجھ پر بیوی طلاق، اب رشتہ ہو چکا ہے، میری والدہ اور مجھ سے تین بڑے بھائی حیات ہیں، والد فوت ہو چکےہیں، برائے مہربانی طلاق ہونے نا ہونےکے بارے میں راہ نمائی فرما دیں۔ 

جواب

صورتِ مسئولہ میں آپ کی بیوی پر کوئی طلاق واقع نہ ہوگی؛ کیوں کہ آپ نے رشتہ نہیں دیا،لہذا شرط نہیں پائی گئی تو طلاق بھی نہیں ہوئی۔فقط واللہ اعلم