کون کون سے الفاظ سے طلاق ہوجاتی ہے کنایہ اورصریح کے؟
''طلاق'' صریح اور کنایہ دونوں طرح کے الفاظ سے واقع ہوجاتی ہے،صریح سے مراد وہ لفظ ہے جس کاعمومی استعمال طلاق ہی کے لیے ہو،جیسے لفظ طلاق ہے،یہ طلاق کے وقوع میں صریح ہے ،اسی طرح طلاق کے لیے الفاظِ کنایہ بھی ہیں اور الفاظِ کنایہ میں طلاق اور غیر طلاق دونوں کااحتمال ہوتاہے، الفاظِ کنایہ کی فہرست طویل ہے، جن میں سے بعض ایسے الفاظ بھی ہیں جن میں نیت کی ضرورت نہیں ہوتی، جیسے لفظ ''' آزاد ''اور بعض الفاظ نیت یادلالت حال کے محتاج ہوتے ہیں۔اس موضوع سے متعلق تفصیل کے لیے ''الفاظِ طلاق کے اصول''، مؤلفہ مفتی شعیب عالم صاحب ملاحظہ فرمائیں ۔فقط واللہ اعلم
فتوی نمبر : 143909201079
دارالافتاء : جامعہ علوم اسلامیہ علامہ محمد یوسف بنوری ٹاؤن