سوال

عبد اللہ نام ہے، میرا مسئلہ طلاق کے متعلق ہے, آ ج سے قریباً ڈیڑھ سال قبل سعودی عرب میں ملازمت کرتا تھا, بیوی سے دور ہونے کی وجہ سے ایک شدید نفسانی خواہش میں مبتلاتھا, جسے عربی میں( ناکح الید) کہتے ہیں، میں اس سے نکلنا چاہتا تھا، جوان تھا، کنٹرول نہیں تھا، اپنے آپ پر اب اس سے نکلنے کی صورت یہ اختیار کی کہ اپنے آپ کو قسم میں مقید کیا کہ اب اگر مذکورہ عمل کروں تو میری بیوی پر تین طلاق، پھر کچھ دن بعد پھر سے اس عمل میں گرفتار تھا، اس صورت میں میرے لیے کیا حکم ہے؟  بیوی کو اس بات کا پتا نہیں ہے!

جواب

ذکرکردہ صورتِ حال میں آپ کی بیوی پر تین طلاقیں واقع ہوچکی ہیں، اب ساتھ رہنا جائز نہیں، اور حلالہ شرعیہ کے بغیر دوبارہ نکاح بھی جائز نہیں ہوگا۔ بیوی کو اس کی اطلاع کردیں، اگر نہیں بتائیں گے اور حسبِ سابق تعلق برقرار رکھیں گے تو شدید گناہ گار ہوں گے۔ فقط واللہ اعلم