سوال

ایک شوہر اپنی بیوی کو ایک طلاق بھیج کر گھر نہیں آتا۔ اب اس کی بیوی اپنے بچوں کے ساتھ اس گھر میں رہ سکتی ہے، حق مہر کی وصولی تک ؟

جواب

مطلقہ عورت پر اسی مکان میں عدت گزارنا ضروری ہوتاہے، جس میں شوہر کے ساتھ اس کی رہائش ہوتی ہے، لہٰذا صورتِ مسئولہ میں مذکورہ عورت اپنی عدت کے مکمل ہونے تک تو  شوہر کے گھر میں رہے گی، اس کے بعد شوہر کے گھر میں محض مہر کی وصولیابی کے لیے شوہر کے گھر میں رکے رہنا درست نہ ہوگا۔ البتہ مہر کی وصولی کے لیے کوئی اور  جائز صورت اختیار کرے۔

"وتجب لمطلقة الرجعي والبائن والفرقة بلا معصیة ... والسکنی والکسوة إن طالت المدة".

وتحته في الشامیة:

"یلزم أن تلزم المنزل الذي یسکنان فیه قبل الطلاق". (الدر المختار مع الشامیة،کتاب الطلاق، باب النفقة، زکریا ۵/۳۳۳، کراچی ۳/۶۰۹)
"معتدة الطلاق والموت یعتدان في المنزل المضاف إلیهما بالسکنی وقت الطلاق والموت، ولایخرجان منه إلا لضروة لما تلونا من الآیة، والبیت المضاف إلیها في الآیة ما تسکنه سواء کان الزوج ساکنًا معها أو لم یکن". (البحر الرائق، رشیدیه، ۴/۱۵۴، زکریا ۴/۲۵۹) فقط واللہ اعلم