سوال

ایک عورت کا شوہر وفات پاگیا ہو اور وہ اپنا شناختی کارڈ بنوانے کے لیے اپنے سگے بھائی کو شوہرقراردے نادرا کے ریکارڈ میں،  اور بھائی بھی دستخط کرے اس بات پر کہ یہ واقعی میری بیوی ہے اور اپنےشناختی کارڈ پر اس بہن کاکارڈ بنوائے تو ایسا کرنا شریعت کی رو سے کیساہے؟ اور اگر ایساکسی نے کیا ہو تو اس کےلیےکیاحکم ہے؟

جواب

شوہر  کی وفات کے بعد شناختی کارڈ میں شوہر کے خانے میں بھائی کا نام درج کرانا جھوٹ، دھوکا دہی کے علاوہ اخلاقی وشرعی طور پر بھی انتہائی بری بات ہے، دونوں بھائی بہن اس پر توبہ واستغفار کریں اور اس غلطی کی فوراً اصلاح کرائیں۔فقط واللہ اعلم