سوال

کیا سوتیلے سالے کی بیٹی سے نکاح جائز ہے؟

جواب

سوتیلے سالے کی بیٹی سے نکاح کرنا جائز ہے، البتہ جب تک بیوی نکاح میں ہو اس وقت تک سوتیلے سالے کی بیٹی ( یعنی بیوی کے باپ شریک یا ماں شریک بھائی کی بیٹی جو بیوی کی سوتیلی بھتیجی کہلاتی ہے) سے نکاح کرنا جائز نہیں ہے، یہ ایسے ہی ہے جیسا کہ سالی سے نکاح کرنا تو جائز ہے، لیکن جب تک بیوی نکاح میں ہو اس وقت تک سالی سے نکاح کرنا جائز نہیں ہے۔خلاصہ یہ ہے کہ بیوی اور اس کے سگے یا سوتیلے بھائی کی بیٹی کو ایک وقت میں نکاح میں جمع کرنا جائز نہیں ہے۔ فقط واللہ اعلم