میرا سوتیلا بھائی جو عمر میں مجھ سے بڑا ہے، اس نے میری چاچی کا دودھ پیا، اب میری چاچی کی بیٹی کے ساتھ میرا نکاح جائز ہے?
آپ کے سوتیلے بھائی نے آپ کی چچی کا دودھ پیا تو اس دودھ پینے کی وجہ سے چچی کی بیٹی اور آپ کے سوتیلے بھائی آپس میں رضاعی بھائی بہن بن گئے، جب کہ آپ کا چچی کی بیٹی سے کوئی رشتہ قائم نہیں ہوا، آپ دونوں ایک دوسرے کے لیے بدستور اجنبی ہیں؛ اس لیے آپ دونوں کا ایک دوسرے سے نکاح کرنا جائز ہے۔ فقط واللہ اعلم
فتوی نمبر : 144008201840
دارالافتاء : جامعہ علوم اسلامیہ علامہ محمد یوسف بنوری ٹاؤن