ہم ایک ایسی مسجد میں نماز پڑھتے ہیں، جس کا قبلہ تقریباﹰ 15 سے 20 ڈگری آؤٹ ہے،جب کہ قریب ہی درست قبلہ سمت کی مسجد بھی موجود ہے تو کیا ایسی صورت میں ہماری نماز درست ہوگی؟جب کہ ہمیں معلوم بھی ہو کہ یہ مسجد درست قبلہ سمت میں نہیں بنی؟
اولاً کوشش کی جائے کہ مسجد کارخ جس قدر سمت قبلہ سے ہٹ کر ہے اسے درست کردیاجائے، ورنہ کم از کم نماز کے وقت صفیں درست سمت میں لگائی جائیں۔ اور اگر قبلہ کی مکمل درستگی ممکن نہ ہوتو15سے 20ڈگری انحراف کے باوجود نماز ادا ہوجائے گی۔فقط واللہ اعلم
فتوی نمبر : 144004200202
دارالافتاء : جامعہ علوم اسلامیہ علامہ محمد یوسف بنوری ٹاؤن