سوال

سردی کی وجہ سے اگر ہم نیچے مسجد میں جماعت نہ کریں،اوپرچھت پر دھوپ میں کریں تو نماز ہوسکتی ہے؟

جواب

اصل مسجد نیچے کا حصہ ہے اور چھت تابع ہے، مسجد کی چھت پر بلا ضرورت چڑھنا مکروہ ہے،البتہ اگر جگہ کی قلت ہو تو چھت پر کھڑے ہونے میں مضائقہ نہیں ۔ نچلی منزل میں جگہ ہوتے ہوئے اوپر کی منزل میں جماعت سے نماز پڑھنا مکروہ ہے؛ لہٰذا مذکورہ صورت میں مسجد کے اندر نماز ادا کریں، اور سردی سے بچاؤ کی کوئی مناسب تدبیر کرلیں۔

فتاوی ہندیہ میں ہے:

"الصعود على سطح كل مسجد مكروه ، ولهذا إذا اشتد الحر يكره أن يصلوا بالجماعة فوقه إلا إذا ضاق المسجد فحينئذ لا يكره الصعود على سطحه للضرورة، كذا في الغرائب". (43/42)فقط واللہ اعلم