بِسْمِ اللَّهِ الرَّحْمَنِ الرَّحِيم

17 رمضان 1445ھ 28 مارچ 2024 ء

دارالافتاء

 

زکاۃ کی ادائیگی کا طریقہ


سوال

زکاۃ  کس طرح سے دینی ہوتی ہے؟

جواب

ساڑھے سات تولہ سونا یا ساڑھے باون تولہ چاندی یا ساڑھے باون تولہ چاندی کی قیمت کے بقدر نقدی یا سامانِ تجارت یا ان چاروں چیزوں (سونا، چاندی، نقدی اور سامان تجارت) میں سے کوئی بھی دو چیزیں جن کی مجموعی قیمت ساڑھے باون تولہ چاندی کی قیمت کے بقدر یا اس سے زائد ہو ملکیت میں ہونے سے آدمی صاحب نصاب بن جاتا ہے، اور پھر صاحب نصاب بننے کے بعد قمری حساب سے سال پورا ہونے کی صورت میں بھی اگر وہ شخص صاحبِ نصاب ہو تو اس وقت اس پر لازم ہے کہ اپنی ملکیت میں جتنا مال ہے اس کا چالیسواں حصہ (یعنی ڈھائی فی صد) کسی مستحقِ زکاۃ غریب شخص کو مالک بناکر زکاۃ کی نیت سے دے دے۔ فقط واللہ اعلم


فتوی نمبر : 144008201185

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں