اگر ایک عورت حائضہ ہو ، روزے کے ایام میں دن کے آدھے حصے میں پاک ہو تو کیا باقی دن روزہ رکھنا کیسا ہے؟
اگر عورت حیض کی حالت میں تھی، اور رمضان المبارک میں دن میں پاک ہوگئی تو سورج غروب ہونے تک اس کے لیے کھانا پینا درست نہیں ہوگا، روزہ داروں کی طرح رہنا ضروری ہوگا، یہ بھوکا پیاسا رہنا رمضان المبارک کے احترام اور صائمین سے تشبہ (روزہ داروں کی مشابہت) کی وجہ سے ہے، بقیہ دن بھوکا پیاسا رہنے کو روزہ نہیں کہاجائے گا، لہٰذا بعد میں قضا کی نیت سے روزہ رکھنا لازم ہوگا۔ فقط واللہ اعلم
فتوی نمبر : 143908201079
دارالافتاء : جامعہ علوم اسلامیہ علامہ محمد یوسف بنوری ٹاؤن