میرے سسر پچھلے کئی سالوں سے بیمار ہیں، ان کا ایک ہی بیٹا ہے، ایک عدد ذاتی مکان جس کی مالیت تقریباً 2 کروڑ ہے میں رہائش پذیر ہیں، اس کے علاوہ ان کے بیٹے کے پاس ایک عدد دکان جس کی مالیت تقریبا 50 لاکھ روپے ہے، مگر کچھ ناگزیر وجوہات پر بند پڑی ہے، اس کے علاوہ کوئی ذریعۂ روزگار نہیں، کیا ان کو زکات دینا جائز ہے؟
سوال میں ذکر کردہ معلومات کے اعتبار سے آپ کے سسر مستحقِ زکات ہیں، اس لیے ان کو زکات دینا جائز ہے۔ آپ اپنے مال کی زکات انہیں دے سکتے ہیں، لیکن ان کی بیٹی اپنے مال کی زکات انہیں نہیں دے سکتی۔ فقط واللہ اعلم
فتوی نمبر : 144106200881
دارالافتاء : جامعہ علوم اسلامیہ علامہ محمد یوسف بنوری ٹاؤن