میں نے دو بار اپنی بیوی کو طلاق دی اور پھر عدت میں ہی رجوع کر لیا۔ تیسری طلاق کے لیے میں نے اس کے بھائی کو کہا کہ میری طرف سے تم اس کو تین طلاقیں دے دو، مگر اس نے انکار کر دیا، (لیکن بیوی تک کسی نہ کسی صورت میں یہ بات پہنچ گئی) ، پھر بیوی کو میں نے پیغام دیا کہ اگر دو دن میں رابطہ نہ کرو تو تمہیں میری طرف سے طلاق ہے۔ مگر اس نے اگلے ہی دن رابطہ کر کے معذرت کر لی۔ اب میری اس طلاق کا کیا حکم ہے؟
صورتِ مسئولہ میں جب سائل نے دو طلاق کے بعد رجوع کرلیا ہے تو نکاح باقی ہے، آئندہ ایک طلاق کا اختیار باقی ہے۔ تیسری مرتبہ جو مشروط طلاق دی تھی وہ واقع نہیں ہوئی؛ کیوں کہ شرط نہیں پائی گئی ہے۔ تاہم آئندہ بہت احتیاط کی ضرورت ہے۔ فقط واللہ اعلم
فتوی نمبر : 144012200701
دارالافتاء : جامعہ علوم اسلامیہ علامہ محمد یوسف بنوری ٹاؤن