’’جنگریز ‘‘ نام کا کیا مطلب ہے؟
’’جنگ ریز‘‘ لفظ تلاش کے باوجود ہمیں لغات میں نہیں ملا.
بظاہر یہ لفظ مولد (نو خود ساختہ) ہے، اس کے قریب ایک نام ’’گل ریز‘‘ ہے، جس کا مطلب ہے: پھول بکھیرنے والا، پھولوں کی بارش کرنے والا ، ایک قسم کی آتش بازی یعنی پھل جھڑی وغیرہ۔(اردو لغت) اس لفظ پر قیاس کرتے ہوئے ’’جنگ ریز‘‘ کا معنی ہوگا: جنگ جو ، یا جنگ وجدال کا شوقین۔
’’جنگ جو‘‘ معنیٰ ملحوظ رکھتے ہوئے یہ نام رکھ سکتے ہیں، تاہم بہتر ہے کہ انبیاءِ کرام علیہم السلام یا صحابہ کرام رضی اللہ عنہم میں سے کسی کے نام پر یا اچھے معنیٰ والا عربی نام رکھا جائے۔ فقط واللہ اعلم
فتوی نمبر : 144105200909
دارالافتاء : جامعہ علوم اسلامیہ علامہ محمد یوسف بنوری ٹاؤن