تیمم کے دوران مسح کرتے ہوئے مسح مکمل ہونے سے پہلے ہاتھ اٹھ جائے تو دوبارہ بغیر ہاتھ مٹی پر مارے وہاں سے ہی مسح شروع کرنے سے تیمم ہو جاتا ہے یا کہ نہیں. حوالہ کے ساتھ جواب عنایت فرمائیں
تیمم میں چہرہ اور دونوں ہاتھوں کا مسح کرتے وقت استیعاب ضروری ہےاس طور پر کہ چہرہ اور ہاتھوں مٰیں کوئی جگہ مسح سے باقی نہ رہے، یہ ضروری نہیں کہ اس مسح کے دوران ہاتھ مسلسل موضع مسح سے متصل رہیں ،درمیان میں ہاتھ اٹھ بھی جائیں لیکن استیعاب پایا جائے تو تیمم درست ہوگیا۔ ملاحظہ ہو فتاوی عالمگیری، ج:۱ِ ص: ۲۵، فتاوی شامی ج:۱، ص: ۲۳۰واللہ اعلم
فتوی نمبر : 143707200019
دارالافتاء : جامعہ علوم اسلامیہ علامہ محمد یوسف بنوری ٹاؤن