سوال

والدہ کے انتقال کے بعد ان کے ترکے اور زیورات کی کیا تقسیم ہوگی جب کہ ان کے شوہر اور چار بیٹے اور دو بیٹیاں ہیں؟

جواب

صورتِ  مسئولہ میں مرحومہ کی میراث تقسیم کرنے کا شرعی طریقہ یہ ہے کہ اگر مرحومہ پر کوئی قرض ہے، تو اسے کل ترکہ سے ادا کرنے کے بعد، اگر مرحومہ نے کوئی جائز وصیت کی ہے تو اسے باقی ماندہ ترکہ کے ایک تہائی سے نافذ کرنے کے بعد مرحومہ کی کل جائیداد منقولہ وغیرمنقولہ کو 40 حصوں میں تقسیم کرکے مرحومہ کے شوہر کو 10، حصے اور ہر ایک بیٹے کو 6، 6 اور اور ہر ایک بیٹی کو 3، 3، حصے ملیں گے۔ واضح رہے کہ تقسیم کی یہ صورت اس وقت ہوگی جب کہ مرحومہ کے والدین نہ ہوں۔

صورتِ  تقسیم یہ ہے:

4/40                                                             مض 10

ــــــــــــــــــــــــــــــــــــــــــــــــــــــــــــــــــــــــــــــ

شوہر                                  بیٹا   بیٹا    بیٹا    بیٹا    بیٹا    بیٹا      بیٹی     بیٹی

۱                                                                      ۳

ــــــــــــــــــــــــــــــــــــــــــــــــــــــــــــــــــــــــــــ

10                          6   6    6    6    6    6     3     3

یعنی 100 روپے میں سے 25 روپے شوہر کو اور 15 روپے ہر ایک بیٹے کو اور 7.50 روپے ہر ایک بیٹی کو ملیں گے۔ فقط واللہ اعلم