میرے بہنوئی نے میری بہن کو فون پر ایک دفعہ کہا:’’ آج سے تیرے میرے تعلقات ختم، نہ تو مجھے فون کرنا اور نہ میں تجھے فون کروں گا‘‘. کیا اس سے طلاق واقع تو نہیں ہوئی؟
اگرواقعۃً آپ کے بہنوئی نے آپ کی بہن کو فون کرکے کہا تھا:’’ آج سے تیرے میرے تعلقات ختم، نہ تو مجھے فون کرنا اور نہ میں تجھے فون کروں گا‘‘ اور اس سے اس کی نیت طلاق کی ہو تو ایک طلاقِ بائن واقع ہوگئی ہے، نکاح ختم ہوچکا ہے. اور اگر طلاق کی نیت سے یہ الفاظ نہیں کہے تو طلاق واقع نہیں ہوگی۔
الهندية 1 / 376:
"ولو قال: لم يبق بيني وبينك شيء، ونوى به الطلاق لايقع. وفي الفتاوى: لم يبق بيني وبينك عمل ونوى يقع، كذا في العتابية". فقط واللہ اعلم
فتوی نمبر : 144103200076
دارالافتاء : جامعہ علوم اسلامیہ علامہ محمد یوسف بنوری ٹاؤن
