کسی کو بیوی نے کہا کہ ’’مجھے آزاد کردے‘‘ میسج کے ذریعہ شوہر نے میسج میں لکھ دیا’’ کردیا‘‘، کیا طلاق واقع ہوگئی؟
صورتِ مسئولہ میں ایک طلاقِ بائن واقع ہوگئی ہے اور نکاح ختم ہوگیا ہے، اگر میاں بیوی باہمی رضامندی سے دوبارہ ازدواجی حیثیت سے ساتھ رہنا چاہیں تو باقاعدہ نئے مہر کے ساتھ شرعی گواہوں کی موجودگی میں تجدیدِ نکاح کرکے ساتھ رہ سکتے ہیں، اس صورت میں آئندہ شوہر کو صرف دو طلاق کا حق حاصل ہوگا۔
نیز واضح رہے کہ یہ حکم اس صورت میں ہے کہ شوہر نے اس سے پہلے کوئی طلاق نہ دی ہو ، اگر اس سے پہلے کوئی طلاق دی ہو تو تجدیدِ نکاح سے پہلے دوبارہ معلوم کرلیں۔فقط واللہ اعلم
فتوی نمبر : 144106200110
دارالافتاء : جامعہ علوم اسلامیہ علامہ محمد یوسف بنوری ٹاؤن