متوفی کی ایک بیوی، 2 بیٹیاں ، 3 بھائی اور ایک ماں ہے، تقسیم کیسی ہوگی?
صورتِ مسئولہ میں ذکر کردہ ورثاء کی تفصیل اگر واقعہ کے مطابق اور درست ہے تو مرحوم کے ترکہ کی تقسیم کا شرعی طریقہ یہ ہے کہ مرحوم کے ترکہ میں سے اس کے حقوق متقدمہ یعنی تجہیزوتکفین کے اخراجات نکالنے کے بعد، مرحوم کے ذمہ اگر کسی کا قرض ہو تو اسے کل ترکہ میں سے ادا کرنے کے بعد، مرحوم نے اگر کوئی جائز وصیت کی ہو تو اسے ایک تہائی ترکہ میں ادا کرکے باقی کل منقولہ وغیر منقولہ ترکہ کو 72 حصوں میں تقسیم کرکے مرحوم کی بیوہ کو 9 حصے، والدہ کو 12 حصے، ہر ایک بیٹی کو 24 حصے کرکے،اور ہر ایک بھائی کو ایک ،ایک حصہ ملے گا۔
یعنی مثلاً 100 روپے میں سے مرحوم کی بیوہ کو 12/50 روپے، والدہ کو 16/66 روپے، ہر ایک بیٹی کو 33/33 روپے اور مرحوم کے ہر ایک بھائی کو 1/38 روپے ملیں گے۔فقط واللہ اعلم
فتوی نمبر : 144008201650
دارالافتاء : جامعہ علوم اسلامیہ علامہ محمد یوسف بنوری ٹاؤن