سوال

ایک شخص کا انتقال ہوا، اس کی بیوہ، اس کے  دو بیٹے اور ایک بیٹی حیات ہیں،  ایک بیٹے کا انتقال ان کی زندگی میں ہی ہو گیا تھا۔  اس شخص کی  سگی ماں،5بھائی اور 2 بہنیں بھی حیات ہیں۔ ان میں وراثت کی تقسیم کیسے ہوگی؟

جواب

صورتِ مسئولہ میں مرحوم کی کل جائیداد میں سے اولاً ان کی تجہیز و تکفین کے اخراجات اور (اگر) قرضہ جات ( ہوں تو وہ) ادا کیے جائیں، پھر اگر کوئی جائز وصیت کی ہو تو ایک تہائی مال میں سے اس کو نافذ کیا جائے، اس کے بعد کل جائیداد منقولہ و غیر منقولہ کو 120 حصوں میں تقسیم کر کے 15 حصے مرحوم کی بیوہ کو، 20 حصے مرحوم کی والدہ کو ، 17 حصے مرحوم کی بیٹی کو اور 34 حصے ہر ایک بیٹے کو ملیں گے۔ 

یعنی فیصد کے اعتبار سے 12 اعشاریہ 5 فیصد مرحوم کی بیوہ کو، 16 اعشاریہ 66 فیصد  مرحوم کی والدہ کو ،14 اعشاریہ 16 فیصد مرحوم کی بیٹی کو اور 28 اعشاریہ 33 فیصد ہر ایک بیٹے کو ملے گا۔ 

مذکورہ صورت میں مرحوم کے ترکہ میں ان کے بھائی اور بہن کا کوئی حصہ نہیں ہو گا۔ فقط واللہ اعلم