ایک خاتون جو مکہ میں حدودِ حرم میں رہتی ہے، وہ بیسویں روزے کو مدینہ سے مکہ آئے اور عمرہ کرتے ہوئے مغرب حرم میں ہوجائے کیا اپنے گھر جاکر مغرب کے بعد سنت اعتکاف شروع کرسکتی ہے، یا نہیں ؟ مغرب کے بعد بیٹھنے سے سنت اعتکاف شمار ہوگا یا نہیں ؟
سنت اعتکاف کا وقت رمضان المبارک کی بیسویں تاریخ کو سورج غروب ہوتے ہی شروع ہوجاتا ہے، اس لیے معتکف کو سورج غروب ہونے سے پہلے نیت کرکے اعتکاف کی جگہ میں داخل ہونا ضروری ہے، لہذا مذکورہ عورت بیسویں تاریخ کو اگر مغرب کی نماز کے بعد اعتکاف شروع کرے گی تو یہ مسنون اعتکاف نہیں ہوگا، بلکہ نفلی اعتکاف ہوجائے گا۔ فقط واللہ اعلم
فتوی نمبر : 144008201105
دارالافتاء : جامعہ علوم اسلامیہ علامہ محمد یوسف بنوری ٹاؤن