سوال

’’بلال احمد‘‘  نام کے معنی کیا ہیں؟ کیا یہ نام رکھ سکتے ہیں؟

جواب

’’بلال‘‘  رسول صلی اللہ علیہ وسلم کے مشہور صحابی رضی اللہ عنہ کا نام ہے،  اور صحابہ رضوان اللہ علیہم اجمعین کے ناموں میں معانی کی طرف دیکھنے کی ضرورت نہیں ہوتی،  اس لیے کہ ان کے نام پر نام رکھنا ہی باعثِ برکت ہوتا ہے، لہذا یہ نام اچھا ہے اور رکھ سکتے ہیں۔  نیز اس نام کے اخیر میں لفظ  ’’احمد ‘‘  لگا دینا مزید خیر و برکت کا باعث ہو گا۔ ’’احمد ‘‘ رسول اللہ ﷺ کا ذاتی نام ہے، قرآنِ مجید کی سورہ صف، پارہ 28 میں آپ ﷺ کا نام ’’احمد ‘‘ ذکر کیا گیا ہے،  حضرت عیسیٰ علیہ السلام نے آپ ﷺ کی بشارت اسی نامِ ’’احمد ‘‘ سے دی تھی۔  فقط واللہ اعلم