سوال

ہم نے چند دن قبل اپنا گھر تبدیل کیا ہے، اطراف میں دو مسجدیں ہیں:  ایک بریلوی مسلک کی، اور دوسری تنظیمِ اسلامی کی۔ عقائد کو مدنظر رکھتے ہوئے کن کی اقتدا  بہتر ہے؟

جواب

اگر اتنے فاصلے پر صحیح العقیدہ لوگوں کی مسجد نہ ہو جس میں جماعت سے نماز میں شریک ہوسکیں تو  بوجہ مجبوری مذکورہ دونوں مسجدوں میں جماعت سے نماز ادا کرسکتے ہیں، اور دونوں ہی کی اقتدا میں نماز کراہت سے ادا ہوگی، البتہ انفرادی نماز ادا کرنے کی بجائے جماعت سے نماز ادا کیجیے، تاکہ جماعت کا ثواب حاصل ہوجائے، گو متقی (پرہیزگار) امام کی اقتدا کا ثواب اس میں نہیں ہوگا۔ باقی عمومی نظریات کو مدنظر رکھتے ہوئے دونوں میں سےتنظیمِ اسلامی  کی اقتدا  بہتر ہوگی۔ فقط واللہ اعلم