بِسْمِ اللَّهِ الرَّحْمَنِ الرَّحِيم

17 رمضان 1445ھ 28 مارچ 2024 ء

دارالافتاء

 

بال یا ناخن کاٹنے سے وضو کا حکم


سوال

وضو کے بعد جسم سے بال نکالنے یا ناخن کاٹنے سے وضو ٹوٹ جائے گا یا نہیں؟

جواب

جسم سے بال نکالنے یا کاٹنے سے اسی طرح  ناخن کاٹنے  سے وضو نہیں ٹوٹتا ہے۔ البتہ اگر بال نوچنے کی وجہ سے خون نکل آیا اور اپنی جگہ سے بہہ گیا تو وضو ٹوٹ جائے گا۔

وضو کو توڑنے والی چیزیں مندرجہ ذیل ہیں:

* آگے یا پیچھے کی شرم گاہ سے کسی چیز کا نکلنا

* بدن کے کسی بھی حصے سے نجاست کا نکل کر بہہ جانا

* منہ بھر کر قے ہو جانا

*ٹیک لگا کر سو جانا

* بے ہوش یا پاگل ہو جانا

* رکوع و سجدے والی نماز میں قہقہہ مارنا

* شرم گاہوں کا بغیر حائل آپس میں ملنا۔ فقط واللہ اعلم


فتوی نمبر : 144103200673

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں