ایک آدمی اسلام آباد میں بھی ایک مکان کا مالک ہے اور ایک گھر کراچی میں بھی اس کی ملکیت میں ہے، لیکن کراچی والا گھر کرایہ پر دیا ہے تو جب یہ مالک جب کراچی جائے گا وہاں قصر نماز پڑھے گا یا اتمام کرے گا؟
اگر اس شخص کے گھر والے اسلام آباد میں ہیں اورمستقل رہائش بھی وہیں ہے کراچی میں صرف ایک مکان لےکر کرایہ پر دیا ہوا ہے اور کوئی غرض کراچی سے وابستہ نہیں ہے تو ایسی صورت میں یہ شخص اگر پندرہ دن سے کم کے لیے کراچی آئے گا تو مسافر شمار ہوگا اور قصر نماز ادا کرے گا۔ فقط واللہ اعلم
فتوی نمبر : 143908200854
دارالافتاء : جامعہ علوم اسلامیہ علامہ محمد یوسف بنوری ٹاؤن