میرا تعلق حنفی دیوبندی مسلک سے ہے،اہل سنت والجماعت کی تعریف کیا ہے اور ان کے عقائد کیا ہیں؟ جواب دے کر ممنون فرمایئں۔جزاک اللہ۔
اہل سنت والجماعت سے مراد وہ جماعت اور طبقہ ہے جو آپ صلی اللہ علیہ وسلم کی سنتوں پر عمل کرنے والا صحیح عقیدہ کا حامل اور صحابہ اور رسول اللہ صلی اللہ علیہ وسلم کی کامل اتباع کرنے والا ہو جیسا کہ آپ علیہ الصلاۃ والسلام نے ما انا علیہ واصحابی ( جس راستہ پر میں اور میرے صحابہ ہیں ) کہ کر اہل سنت والجماعت کی تعریف اور ان کو پرکھنے کی کسوٹی متعین فرمادی ہے۔اور جو سنت اور صحابہ کے عقائد سے دور ہو اور اہل سنت ہونے کا دعوی کرے تو یہ دعوی نرا دعوی ہی ہوگا جو قابل اعتبار نہیں ہے۔اہل سنت والجماعت کے عقائد کے لیئے مولانا خلیل احمد سہارنپوری رحمہ اللہ کی مرتب کردہ کتاب المہند علی المفند( عقائد اہل سنت والجماعت) کا مطالعہ فرمائیں۔واللہ اعلم
فتوی نمبر : 143410200021
دارالافتاء : جامعہ علوم اسلامیہ علامہ محمد یوسف بنوری ٹاؤن