سوال

اگرکوئی کہے کہ’’ اگر میں نے اپنی بیٹی کو اس گھرمیں چھوڑا تومجھ پرمیری بیوی طلاق ہوگی‘‘، اب اس کاکیاحکم ہے؟

جواب

اگر طلاق کو کسی شرط کے ساتھ معلق کردیا جائے تو اس شرط کے پائے جانے سے طلاق واقع ہوجاتی ہے؛ لہذا اگر کوئی کہے کہ ’’اگر میں نے اپنی بیٹی کو اس گھر میں چھوڑا تو مجھ پر میری بیوی طلاق ہوگی‘‘  تو مذکورہ شخص کے  اپنی بیٹی کو مذکورہ گھر میں چھوڑنے سے اس کی بیوی پر ایک طلاقِ رجعی واقع ہوجائے گی۔

"وإذا أضافه إلى الشرط وقع عقيب الشرط اتفاقاً". (فتاوی ہندیہ، ۱/۴۲۰، رشیدیہ)

"وعلي الطلاق، وعلي الحرام فيقع بلا نية للعرف". (فتاوی شامی، ۳/۲۵۲، سعید) فقط واللہ اعلم