ایک شخص اپنے بیٹے کا نکاح اپنے بھائی کی بیٹی یعنی بھتیجی سے کرنا چاہتا ہے، تو کیا یہ درست ہے؟
اگر ایک آدمی اپنے بیٹے کا نکاح اپنی بھتیجی سے کرتا ہےتو ایسا نکاح کرنا درست ہے، بشرطیکہ کوئی اور رشتہ حرمت کا نہ ہو، (مثلاًلڑکا اور لڑکی آپس میں دودھ شریک بھائی بہن نہ ہوں)؛ کیوں کہ چچا زاد بہن بھائی ایک دوسرے کے لیے غیر محرم (اجنبی) ہیں اور اجنبی سے نکاح کرنا درست ہے۔ فقط واللہ اعلم
فتوی نمبر : 144104200303
دارالافتاء : جامعہ علوم اسلامیہ علامہ محمد یوسف بنوری ٹاؤن