آفس کا کام میں اپنے کزن کی دکان سے کرواتا ہوں، کیا میں اس میں اپنا کمیشن رکھ سکتا ہوں؟ میرے کزن کو یہ بات معلوم ہے کہ میں بل زیادہ کا بنا کر دیتا ہوں!
آفس والے اگر آپ سے کوئی کام کرنے کا کہیں تو آپ اس متعلقہ کام میں ان کے وکیل ہیں ، لہذا اس کام میں جتنا خرچہ آئے یا جتنی رقم میں وہ کام ہوجائے اتنی ہی رقم آپ کمپنی سے لے سکتے ہیں ، کام کم رقم میں کرواکر زیادہ رقم کا بل بنانا خیانت اور دھوکا دہی ہے ، جو ناجائز ہے، اگر آپ کا کزن یہ بات جانتے ہوئے بھی آپ کے لیے زیادہ رقم کا بل بناتا ہے تو وہ بھی گناہ کے کام میں تعاون کی وجہ سے گناہ گار ہوگا۔فقط واللہ اعلم
فتوی نمبر : 143909200552
دارالافتاء : جامعہ علوم اسلامیہ علامہ محمد یوسف بنوری ٹاؤن