ایک شخص جو خود اہلِ سنّت مکتب پر تھا، لیکن اس کے گھر میں ماں اور دیگر رفقاء اہلِ تشیع تھے اور انتقال کے بعد شیعہ رفقاء نے جنازہ اپنے عقیدے سے کروا دیا، اس میں مرحوم کے بارے میں کیا حکم ہے؟ نیز اب ان کی اولاد چاہتی ہے کہ ان کی غائبانہ نمازِ جنازہ پڑھی جائے۔ اس بارے میں رہنمائی فرما دیں۔
بصورتِ مسئولہ سنی کی نمازِ جنازہ اہلِ تشیع کے عقیدے کے مطابق ادا کرنا شرعاً درست نہیں تھا، یہ نماز ادا نہیں ہوئی، فرضِ کفایہ ادا نہیں ہوا۔ اہلِ سنت پر اس کا جنازہ دوبارہ پڑھنا لازم تھا، نہ پڑھنے کی صورت میں ایسے جنازے کا حکم یہ ہے کہ جب تک میت کے قبر میں پھٹنے اور گلنے کا گمان نہ ہو اس وقت تک قبر پر جنازے کی نماز پڑھنا فرض ہے۔ اور اگر گمان یہ ہو کہ میت پھٹ گئی ہے تو پھر جنازے کی نماز پرھنے کی اجازت نہیں ہے۔ اگر مرحوم کے مسلمان اعزہ ہوں تو انہیں چاہیے کہ وہ مرحوم کی بخشش کے لیے ایصالِ ثواب اور دعاؤں کا اہتمام کریں، اور اگر وہ اس کی نمازِ جنازہ شرعی طریقے کے مطابق ادا کرنے پر قادر تھے تو فرضِ کفایہ ترک کرنے پر توبہ و استغفار بھی کریں۔ باقی غائبانہ طور پر نماز جنازہ پڑھنا جائز نہیں ہے۔
"(ويكره) تنزيها (إمامة عبد) ... (ومبتدع) أي صاحب بدعة وهي اعتقاد خلاف المعروف عن الرسول ... (وإن) أنكر بعض ما علم من الدين ضرورة (كفر بها) كقوله: إن الله تعالى جسم كالأجسام وإنكاره صحبة الصديق (فلايصح الاقتداء به أصلًا) فليحفظ."
(کتاب الصلاۃ، باب الامامۃ، ج: 1، صفحہ: 559 و 562، ط: ایچ، ایم، سعید)
وفیہ ایضا:
(والصلاة عليه) صفتها (فرض كفاية) بالإجماع فيكفر منكرها لأنه أنكر الإجماع قنية (كدفنه) وغسله وتجهيزه فإنها فرض كفاية.
(کتاب الصلاۃ، باب صلاۃ الجنازہ، ج: 1، صفحہ: 207، ط: ایچ، ایم، سعید)
(وإن دفن) وأهيل عليه التراب (بغير صلاة) أو بها بلا غسل أو ممن لا ولاية له (صلي على قبره) استحسانا (ما لم يغلب على الظن تفسخه) من غير تقدير هو الأصح.
(کتاب الصلاۃ، باب صلاۃ الجنازہ، ج: 2، صفحہ: 224، ط: ایچ،ایم، سعید)
الکفایۃ بشرح الھدایۃ میں ہے:
ويكره الاقتداء بصاحب الهوى والبدعة والحاصل أن كل من كان أهل قبلتنا ولم يفعل في هواه حتى يحكم بكفره تجوز الصلاة (مع الكراهية التحريمية) وإن كان هوى يكفر أهلها كالجهمي والقدري الذي قال بخلق القرآن والرافضي الغالي الذي ينكرخلافة أبي بكر لاتجوز.
(کتاب الصلاۃ، باب الامامۃ، ج: 1، صفحہ: 305، ط: رشیدیہ)
فقط واللہ اعلم
fatwa_number : 144204200861
darulifta : Jamia Uloom Islamiyyah Allama Muhammad Yousuf Banuri Town
