سوال

محترم مفتی صاحب !
السلام علیکم !
میں آپ حضرات کا بےحد مشکورہوں کہ آپ نے مجھے اسلامک انشورنس کمپنی میں ملازمت کرنے کے حوالے سے پوچھے جانے والے سوالوں کا جواب د یا۔
آپ کی طرف سے جواب موصول ہونے کے فوراًبعد میں نے پاک قطر تکافل کمپنی کے بارے میں مزید معلومات حاصل کیں اوران کے ذریعے سے مجھے معلوم ہوا کہ حضرت مولانا مفتی تقی عثمانی صاحب دامت برکاتہم ہی اس کمپنی کے چئیرمین ہیں اورباوثوق ذرائع سے یہ بھی پتہ چلا کہ  یہ کمپنی دارالعلوم کراچی کےنگرانی میں چل رہی ہے۔
برائے مہربانی ذیل میں کمپنی کی طرف سے جاری کیے جانے والے بروشر(معلوماتی کتابچہ)کی چند سطورملاحظہ ہوں :
’’پاک قطر تکافل کمپنی کی تمام اصطلاحات اور پروڈکس شریعہ بورڈ سے منظور شدہ ہیں‘‘
شریعہ بورڈ کے ذمےداران حضرات مندرجہ ذیل ہیں :
1.حضرت مفتی تقی عثمانی دامت برکاتہم (چئیرمین )
2.مفتی حسن کلیم (رکن)
3.ڈاکٹرعصمت اللہ (شریعہ ایڈوائزر)
میں یہ جاننا چاہتاہوں کہ اگر یہ کمپنی ان حضرات کی زیرنگرانی چل رہی ہو تو ایسی صورت میں اس کمپنی میں ملازمت کرنا کیسا ہے؟

جزاک اللہ

سید کاشف مشہر