کیا یہود و نصاری کی بیٹیوں سے نکاح ہو سکتا ہے؟
یہود و نصاری کی بیٹیوں سے نکاح کرنے کی چند صورتیں ہیں:
1۔ اگر وہ مسلمان ہوجائیں تو ان سے نکاح کرنا بلاشبہ جائز ہے۔
2۔اگر وہ عیسائی یا یہودی مذہب کی پیروکار ہیں تو ان سے نکاح کرنامکروہ ہے، کیوں کہ موجودہ زمانے میں ان کے ساتھ بود و باش کی صورت میں اپنے یا اپنے بچوں کے دین اوران کی اسلامی روایات کو بچانا مشکل ہے۔
3۔ اگر وہ کسی آسمانی دین کی ماننے والی نہیں، بلکہ دہریہ ہیں تو ان سے نکاح کرنا جائزنہیں ہے۔
الفتاوى الهندية (1/ 281)
'' ويجوز للمسلم نكاح الكتابية الحربية والذمية حرةً كانت أو أمةً، كذا في محيط السرخسي. والأولى أن لا يفعل''۔فقط واللہ اعلم
فتوی نمبر : 143908200835
دارالافتاء : جامعہ علوم اسلامیہ علامہ محمد یوسف بنوری ٹاؤن