سوال

 ایک مسلمان کا ہندو دوست ہے ،وہ مسلمان کو حج پر بھیجنا چاہتا ہے،کیا کوئی ہندو کسی مسلمان کو رقم دےکرحج پر بھیج  سکتا ہے؟ اگر بھیج سکتا ہے توکیا اس سےمسلمان کا فرض حج ادا ہو جائے گا ؟

جواب

صورتِ مسئولہ میں مذکورہ ہندو اپنے مسلمان دوست کو رقم گفٹ کردے اور پھر مسلمان اس گفٹ سے اپنےلیےحج کے لیے چلا جائے تو مسلمان کا حج فرض ادا ہوجائے گا۔

البتہ ہندو کی دی رقم سے اس کی طرف سے حج کرنا جائز نہیں۔

فتاوی شامی میں ہے:

"(قوله: وان یکون قربة في ذاته الخ) فتعین ان هذا شرط في وقف المسلم فقط، بخلاف الذمي؛ لمافي البحر وغیره: ان شرط وقف الذمي ان یکون قربة عندنا وعندهم کالوقف علی الفقراء وعلی مسجد القدس، بخلاف الوقف علی بیعة؛ فانه قربة عندهم فقط، او علی حج او عمرة؛ فانه قربة عندنا فقط، فان هذا شرط وقف الذمي فقط؛ لان وقف المسلم لایشترط کونه قربة عندهم بل عندنا، کوقفنا علی حج و عمرة..." الخ۔ ردالمحتار (٤/ ٣٤١) فقط واللہ اعلم