کیا موٹر سائیکل چلاتے ہوئے ہیلمٹ استعمال نہ کرنا شرعاً ناجائز اور گناہ ہے؟
حکومتِ وقت کی جانب سے لاگو کردہ وہ تمام قوانین جو انسان کی فلاح و بہبود اور جان و مال کی حفاظت کے لیے ہوں ان کی پاس داری کرنا ملک کے ہرباشندے پرشرعاً لازم ہوتا ہے، اور ان کی خلاف ورزی کی شرعاً اجازت نہیں ہوتی، لہذا صورتِ مسئولہ میں موٹر سائیکل سواروں پر لازم ہے کہ وہ ہیلمٹ کے بغیر موٹر سائیکل چلانے سے اجتناب کریں۔ فقط واللہ اعلم
فتوی نمبر : 144010201140
دارالافتاء : جامعہ علوم اسلامیہ علامہ محمد یوسف بنوری ٹاؤن