1- غیر مسلم یا مسلم جو روزہ افطار کراتا ہے اور خودروزہ نہیں رکھتا ہے تو کیا اس کی افطاری کی دعوت قبول کرسکتے ہیں؟
2- اس کو روزہ افطار کرانے کا ثواب ملے گا؟
1- غیر مسلم (یا وہ مسلمان جو خود روزہ نہیں رکھتا) کی جانب سے کی گئی افطار کی دعوت میں شرکت کرنے کی گنجائش ہے، اگر کھانے پینے کی اشیاء شرعاً حلال ہوں۔
2- اعمال پر اخروی اجر وثواب کے لیے ایمان شرطِ اولین ہے، ایمان کے بغیر اعمالِ صالحہ مقبول نہیں ہوتے، لہٰذا مسلمان گناہ گار کو تو بسببِ ایمان افطار کرانے پر اجر وثواب حاصل ہوگا، البتہ غیر مسلم کو افطاری کرانے پر اخروی اجر نہیں ملے گا، تاہم اللہ رب العزت اس عمل کا بدلہ دنیا میں ہی عطا فرما دیں گے۔ فقط واللہ اعلم
فتوی نمبر : 144008201880
دارالافتاء : جامعہ علوم اسلامیہ علامہ محمد یوسف بنوری ٹاؤن