کھانا کھانے کے دوران سلام کرنا کیسا ہے؟میں اکثر آفس کے لنچ ٹائم میں لاؤنج میں داخل ہوتے ہوئے سلام کرتا ہوں، مجھے اکثر لوگوں نے منع کیا ہے کہ کھانے کے دوران سلام نہیں کرتے جب کہ وہ تمام لوگ کھانے کے دوران دنیا کی ساری باتیں کر رہے ہوتے ہیں۔
فقہاء نے لکھا ہے کہ کھانا کھانے والے کو سلام کرنا مکروہ ہے، ہاں! اگر گزرنے والا کھانے کا محتاج ہو اور اس کو یہ معلوم ہو کہ اس کو کھانے پر بلا لیا جائے گا تو ایسی صورت میں سلام کرنا مکروہ نہیں ہے۔
الدر المختار وحاشية ابن عابدين (رد المحتار) (6/ 415):
"(قوله: كآكل) ظاهره أن ذلك مخصوص بحال وضع اللقمة في الفم والمضغ، وأما قبل وبعد فلايكره؛ لعدم العجز، وبه صرح الشافعي، وفي وجيز الكردري: مر على قوم يأكلون إن كان محتاجاً وعرف أنهم يدعونه سلم وإلا فلا اهـ. وهذا يقضي بكراهة السلام على الآكل مطلقاً إلا فيما ذكره". فقط واللہ اعلم
فتوی نمبر : 144004200369
دارالافتاء : جامعہ علوم اسلامیہ علامہ محمد یوسف بنوری ٹاؤن