سوال

 اگر کسی شخص نے کمیٹی ڈالی ہے اور خزانچی کے پاس  بوجہ کمیٹی اس کی اتنی رقم جمع ہو چکی ہے کہ اگر وہ کمیٹی نہ ڈالتا تو زکات کا مستحق نہ ہو تا، مگر کمیٹی کی وجہ سے وہ غریب ہے تو کیا اس کو زکات دی جاسکتی ہے؟

جواب

 کمیٹی میں جو رقم ماہانہ دی جاتی ہے، وہ اس شخص کی ملکیت ہوتی ہے جو رقم جمع کراتاہے، اور اس کی زکات بھی کمیٹی ڈالنے والے ہی کے ذمہ ہوتی ہے، اور اس کا حساب اسی کی مالیت کے ساتھ ہوتا ہے، لہذا جس قدر رقم یہ کمیٹی میں جمع کرواچکا ہے، اسے دیگر قابلِ زکات اموال کے ساتھ ملایا جائے گا، اگر مجموعی مالیت نصاب کے برابر یا اس سے زیادہ ہو تو  اگرچہ فی الوقت اس کے قبضے میں زکات کے نصاب سے کم رقم بچی ہو  تب بھی یہ شخص مستحق زکات  نہیں ہوگا۔ فقط واللہ اعلم