ہماری کمپنی ہم کو کام کرنے کے لیے یونیفارم دیتی ہے، یہ یونیفارم کمپنی ہی دھو کر استری کر کے ہم کو واپس دیتی ہے ،کیا اس یونیفارم میں نماز پڑھنا درست ہوگا ؟جب کہ ہماری کمپنی میں ہندو ،سکھ، عیسائی ،مسلمان وغیرہ سب مل کر کام کرتے ہیں تو سب کا یونیفارم بھی دھلتا ہے ، یونیفارم دھونے والے کیسے دھوتے ہیں یہ ہم کو نہیں معلوم ؟
کمپنی جو یونیفارم دھو کر دیتی ہے وہ پاک ہے، اس میں نماز پڑھنا درست ہے، بغیر کسی دلیل کے شک کرنا درست نہیں، اگر شک کی کوئی دلیل ہے تو اس کی وضاحت کرکے دوبارہ سوال کیجیے، لیکن محض شک کا کوئی اعتبار نہیں۔
واضح رہے کہ دھوبی سے کپڑے دھلوانا صحیح ہے، خواہ پاک کپڑے دھلوائے جائیں خواہ ناپاک، عموماً دھوبی پانی کی اتنی مقدار استعمال کرتے ہیں جس سے ناپاک کپڑے پاک ہوجاتے ہیں۔
حاشية رد المحتار على الدر المختار - (1 / 346)
"لأن اليقين لا يزول بالشك"۔فقط واللہ اعلم
فتوی نمبر : 143909202240
دارالافتاء : جامعہ علوم اسلامیہ علامہ محمد یوسف بنوری ٹاؤن
